DHIDIBBADA ISLAAMKA

[arabic-font]عَنْ أَبِي عَبْدِ الرَّحْمَنِ عَبْدِ اللَّهِ بْنِ عُمَرَ بْنِ الْخَطَّابِ رَضِيَ اللَّهُ عَنْهُمَا قَالَ: سَمِعْت رَسُولَ اللَّهِ ﷺ يَقُولُ: ” بُنِيَ الْإِسْلَامُ عَلَى خَمْسٍ: شَهَادَةِ أَنْ لَا إلَهَ إلَّا اللَّهُ وَأَنَّ مُحَمَّدًا رَسُولُ اللَّهِ، وَإِقَامِ الصَّلَاةِ، وَإِيتَاءِ الزَّكَاةِ، وَحَجِّ الْبَيْتِ، وَصَوْمِ رَمَضَانَ”. [/arabic-font]

[arabic-font][رَوَاهُ الْبُخَارِيُّ]، [وَمُسْلِمٌ].[/arabic-font]

Waxaa laga wariyey Abuu Cabd ar-Raxmaan Cabullaah ibn Cumar-ibn al-Khaddaab, Alla ha ka raalli noqdee, Inuu yiri: Waxaan maqlay Rasuulkii Alla ﷺ oo leh:
Waxaa lagu dhisay Islaamka Shan dhidib oo kala ah:
(1) Qiridda in ilaah jirin xaq lagu caabudo Alla ma ahee, Nebi Muxammadna Rasuulkii Alla yahay.
(2) Oogidda salaadda.
(3) Bixinta Sakada.
(4) Soomidda Bisha Ramadaan.
(5) Gudashada Xajka.
Waxaa weriyey al-Bukhaari iyo Muslim.

Sharaxa
Xadiiskan wuxuu la mid yahay xadiiska labaad qaybta ku saabasan arkaanta Islaamka, marka shantaasi dhidib, waa shantaa tiir ee qofka loogu aqoonsan karo inuu ka mid yahay bulshada Muslimka ah. Muslimnimada runta ahna waa hadba sida qofku ugu dhaqmo shantaa tiir iyo waxyaalaha la xiriira.